ബെംഗളൂരു: നഗരത്തിലേക്ക് മോഡലിങ് ഫോട്ടോ ഷൂട്ടിന് വരുന്നത് വിലക്കിയതിലെ മനോവിഷമത്തെ തുടർന്ന് മംഗളൂരുവിൽ പെൺകുട്ടി തൂങ്ങിമരിച്ച സംഭവത്തിൽ മൂന്ന് യുവാക്കൾ അറസ്റ്റിൽ.
മുണ്ടോളി സ്വദേശി യതിൻരാജ്, തൊക്കോട്ട് കുംപള ആശ്രയ കോളനിയിലെ സുഹൻ, സുരഭ് എന്നിവരെയാണ് ഉള്ളാൾ പോലീസ് അറസ്റ്റ് ചെയ്തത്.
തൊക്കോട്ട് കുംപള ആശ്രയ കോളനിയിലെ ചിത്തപ്രസാദിന്റെ മകൾ പ്രേക്ഷ (17) ആണ് ബുധനാഴ്ച രാവിലെ വീട്ടിനുള്ളിൽ തൂങ്ങിമരിച്ചത്.
മോഡിലിങ്ങിൽ അതീവ താത്പര്യമുണ്ടായിരുന്ന പ്രേക്ഷ ഫോട്ടോഷൂട്ടിനായി ബുധനാഴ്ച വൈകിട്ട് ബെംഗളൂരുവിലേക്ക് വരാനിരിക്കുകയായിരുന്നു.
ബുധനാഴ്ച വീട്ടിൽ മറ്റാരുമില്ലാത്ത സമയത്ത് എത്തിയ യതിൻരാജും സുഹനും സുരഭും ചേർന്ന് പ്രേക്ഷ ബെംഗളൂരുവിലേക്ക് വരുന്നതിനെ എതിർക്കുകയും ശകാരിക്കുകയും ഭീഷണിപ്പെടുത്തുകയും ചെയ്തതായി പൊലീസ് പറഞ്ഞു. ഇതിലുള്ള മനോവിഷമത്തിലാണ് ആത്മഹത്യയെന്നാണ് പോലീസ് കരുതുന്നത്.
ഇതിനെ തുടർന്നാണ് മൂന്നുപേരെയും ആത്മഹത്യാ പ്രേരണക്കുറ്റം ചുമത്തി പോലീസ് അറസ്റ്റ് ചെയ്തത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
